3 rider patay sa aksidente
MANILA, Philippines — Tatlong motorcycle rider ang nasawi sa magkakahiwalay na aksidente sa kalye sa lalawigan ng Cavite, Bulacan at Nueva Vizcaya.
Sa Alfonso, Cavite nasawi noon din ang 22-anyos na si Carlo Cosino Perea, ng Brgy. Marahan 2 nang masalpok siya habang nagmomotor ng close van na minamaneho ni Michael Marcelo, 31, nang ito umano ay nag-overtake, alas-3:45 ng hapon.
Patay rin ang 26-anyos na si Jaypee Paraiso, binata, ng Purok Ibayo, Brgy. Mambog, Malolos City matapos mawalan ng kontrol sa minamanehong motorsiklo at tuluy-tuloy na bumagsak sa fishpond na nagresulta ng pagkalunod at pagkamatay, alas-3:00 ng madaling araw noong Huwebes.
Namatay rin ang 23- anyos na si Roberto Aghan, habang sugatan naman ang kasamahan na nakilalang si Mark Anthony de Leon, 23, kapwa residente ng Barangay Poblacion, Sta. Fe sa Nueva Vizcaya matapos sumemplang sa kanilang motorsiklo sa bahagi ng Barangay Mangayang, Dupax del Sur, kamakalawa ng alas-11:00 ng gabi. - Omar Padilla, Victor Martin
- Latest
