Robredo, mga anak, lumipad sa NY
MANILA, Philippines — Lumipad na pa-New York City, USA si Vice President Leni Robredo at kanyang mga anak upang dumalo sa graduation ng bunso na si Jillian.
Nagbahagi si Aika, na anak ni Robredo, sa Instagram ng video kasama ang kanyang ina at mga kapatid habang sakay ng eroplano.
Tiniyak naman ng bise presidente na pangangasiwaan pa rin niya ang paghahanda para sa paglulunsad ng Angat Buhay program.
Ang Angat Buhay program ay isang non-government organization na binubuo ng mga volunteers na tumulong sa kanyang kampanya noong katatapos na eleksiyon.
Si Robredo ay tumakbo sa pagka-pangulo sa katatapos na May 9 polls at nabigo.
Batay sa partial unofficial tally ng mga boto sa pagkapangulo hanggang noong Mayo 13 mula sa datos ng Comelec Transparency Media Server, nakakuha lamang si Robredo ng 14,822,051 boto kumpara sa 31,104,175 boto ni Marcos.
- Latest