Nigerian tiklo sa P4 milyon shabu sa bote ng baby sterilizer
MANILA, Philippines — Umaabot sa P4 milyong halaga ng shabu na itinago sa isang bote ng baby sterilizer ang nasabat ng mga otoridad sa Ninoy Aquino International Airport (NAIA), kamakalawa.
Isang Nigerian national ang nadakip na hindi muna pinangalanan sa follow-up operation dakong alas-8 sa may Marcos Alvarez Avenue cor Veraville Homes, Talon Singko, Las Piñas City, makaraang tanggapin ang package.
Unang nadiskubre ang kontrabando ng BOC sa isinagawang X-ray scanning na nagpakita ng kahina-hinalang imahe.
Nang isailalim sa pisikal na eksaminasyon, dito natuklasan ng nakatalagang Customs examiner ang nasa 588 gramo ng hinihinalang shabu na nakabalot sa isang aluminum foil at ipinasok sa isang baby bottle sterilizer at dryer.
Sa rekord, nanggaling ang package sa Laos at idineklarang ‘electric steamer’ at nagpositibo na shabu ang item nang isailalim sa chemical test ng PDEA.
- Latest