Dengue case umakyat na rin sa CAR at BARMM
MANILA, Philippines — Umakyat na rin ang bilang ng mga kaso nito sa Cordillera Administrative Region (CAR) at Bangsamoro Autonomous Region in Muslim Mindanao (BARMM).
“Itong dengue cases sa Region 2 (Cagayan Valley), Region 9 (Western Visayas), at saka sa CAR, nakikita natin na tumataas po. Meron ding kaunting pagtaas sa BARMM area kung saan we are closely monitoring,” ayon kay Department of Health Undersecretary Maria Rosario Vergeire.
Una nang sinabi ni Vergeire na nakitaan nila nang pagtaas ng dengue cases ang mga rehiyon ng Zamboanga Peninsula, Cagayan Valley, Western Visayas, at Davao Region.
Sa kabila nito, iginiit ni Vergeire na mas mababa pa rin ang mga kasalukuyang mga kaso kumpara sa bilang ng mga kaso na naitala noong nakaraang taon.
Una nang nagdeklara ang Zamboanga City ng dengue outbreak noong Abril 8 matapos na pumalo sa 83 ang dengue cases doon, kabilang ang 11 binawian ng buhay.
- Latest
