Susunod na pangulo ng Pinas, ‘di dapat tiklop sa China

MANILA, Philippines — Nagpahayag ng sentimyento si retired Supreme Court Justice Antonio Carpio sa isang virtual international conference tungkol sa kahalagahan ng seguridad sa bansa lalo’t sumiklab na ang giyera sa pagitan ng Ukraine at Russia na dapat ay hindi maaaring tiklop sa China ang susunod na Pangulo ng bansa.

Ayon sa dating SC justice na kailangang itaguyod ng susunod na mahahalal na Pangulo ng bansa ang makasaysayang tagumpay ng Pilipinas sa Permanent Court of Arbitration ng United Nations Convention on the Law of the Sea (UNCLOS) laban sa China sa West Philippine Sea.

Lahat ng mga presidential candidates para sa May 2022 elections ay nagsasabing itataguyod nila ang Hague ruling, maliban kay Ferdinand “Bongbong” Marcos, Jr..dahil hindi aniya napakinggan ang China sa arbitration.

“Walang bisa ang arbitration dahil iisa lang ang lumahok doon. Hindi natin pwedeng gamitin ito,” sabi pa ni Marcos.