7 kawatang pulis nanganganib masibak sa serbisyo
MANILA, Philippines — Pitong pulis ang nanganganib na masibak sa kanilang serbisyo dahil sa kasong robbery-carnapping sa Agusan del Sur.
Kinilala ni Internal Affairs Service-PNP inspector General Alfegar Triambulo, ang mga pulis na sina Lieutenant Colonel Jared Charles Joaquin; Senior Master Sergeant Ronald Laro; Staff Sergeants Daryll John Mozo, Richard Ayala, Lolito Valdez; Patrolmen Ivan Klein Osorio at Sebastian Batausa.
Nag-ugat ang kaso ng mga pulis nitong Enero 14, sa umano’y iligal na operasyon laban sa pastor at negosyanteng si Jasper Pabilic, sa loob ng chapel nito sa nasabing lugar.
Inakusahan ng mga suspek na sangkot umano sa iligal na droga si Pabilic,subalit nang salakayin nila ang lugar nito, nadiskubreng namimili ito ng mga Agarwood, isang uri ng mamahaling kahoy na ginagamit sa pabango, insenso at iba pa.
Dito, kinuha ng mga suspek ang mga ari-arian ni Pabilic kabilang ang P3M; Ford Ranger Raptor, at mga cellphone.
- Latest
