Pag-import ng galunggong, pag-aralan muna
MANILA, Philippines — Hiniling ng ACT-CIS Party list sa Department of Agriculture (DA) na dapat pag-aralan muna ang planong pag-aangkat ng galunggong dahil maraming mangingisda ang maaapektuhan.
Ayon kay ACT CIS Nominee Edvic Yap, bagama’t may kakulangan ng galunggong dahil kay bagyong Odette last month at ang umiiral na “fishing ban” ngayon” ay dapat timbangin ng DA kung ano ang mas mahalaga, ang kabuhayan ng mga mangingisda o ang mga negosyante ng galunggong na kayang bumili.
Magugunita na nitong mga nakalipas na araw ay biglang sumirit ang presyo ng galunggong mula sa P80 ang kilo ay halos P200 na sa ilang palengke dahil sa kakulangan ng suplay.
Ayon kay Yap, marami pa din isda na kayang bilihin ng mga kababayan tulad ng tilapia, bangus, at iba pang uri ng isda kaya’t wag munang mag-import ng galunggong.
- Latest
