Bohol isinailalim sa state of calamity
MANILA, Philippines — Dulot ng matinding pinsala na inabot sa pananalasa ng bagyong Odette, , isinailalim na kahapon sa state of calamity ang lalawigan ng Bohol.
Ito ay matapos lagdaan ni Bohol Governor Arthur Yap nitong Biyernes ng gabi ang Executive Order (EO) 65 na nagdedeklara ng state of calamity sa buong lalawigan base sa naging pagtaya Provincial Disaster Risk Reduction and Management Office sa pinsala ng bagyo.
Ang Bohol ay isang destinasyon ng mga turista dahilan sa tarsier , pamosong chocolate hills at Loboc River cruise na kinakantahan ng mga mang-aawit dito habang nakasakay ng bangka.
Sa matinding paghagupit ng bagyong Odette sa Bohol noong Huwebes, maraming mga tahanan ang lumubog sa baha habang nawalan din sila ng elektrisidad at linya ng komunikasyon.
Nanawagan na ng tulong ang opisyal tulad ng mga gamot, pagkain, malinis na maiinom na tubig , damit, kumot at iba pa para sa kanilang mga residente.
- Latest
