Libong Pinoy workers na-trap sa 14 bansang may kaso ng Omicron
MANILA, Philippines — Na-trap ang libu-libong overseas Filipino workers (OFWs) sa 14 bansang nasa red list ng World Health Organization (WHO) dahilan sa nakumpirmang kaso ng bagong Omicron variant ng COVID-19.
Kabilang dito ay ang South Africa, Botswana, Namibia, Zimbabwe, Lesotho, Eswatini, Mozambique, Austria, Czech Republic, Hungary, The Netherlands, Switzerland, Belgium at Italy sa gitna na rin ng pagsasara ng border ng Pilipinas laban sa mga biyaherong galing sa mga red list countries.
Ayon kay House Assistant Majority Leader at ACT CIS Partylist Rep. Rowena Niña Taduran ang nasabing mga na-trap na OFWs ay tutulungan naman ng gobyerno na makabalik sa bansa.
Sinabi ni Taduran na ang agarang pagsasara ng mga border ng Pilipinas sa mga biyahero mula sa mga bansang may mataas na impeksyon ng Omicron variant ay makakatulong para maiwasang makapasok ang bagong variant ng Covid sa bansa.
- Latest