PGH nakapagtala ng pinakamababang bilang ng COVID-19 patients
MANILA, Philippines — Nasa 54 pasyente ng COVID-19 na lamang ang nakaratay ngayon sa Philippine General Hospital (PGH) na siyang pinakamababang rekord ng pagamutan sa higit isang taon.
Sinabi ni R. Jonas del Rosario, na dahil dito ay nagawa na nilang maisagawa ang tatlo sa apat nilang COVID-19 wards at buksan ang mga ito para naman sa mga pasyente na iba ang karamdaman.
“The one good news I was the told, for the last 2 days we have not admitted anybody with COVID. Our numbers are continuously going down,” ayon kay Del Rosario.
Sinabi niya na bihirang-bihira na bumaba sa “double digit” ang bilang ng mga pasyente na naka-admit sa kanila dahil sa karaniwang higit sa 100 ang Covid patients at umaasa pa rin naman sila na bababa na ang bilang ng kanilang COVID-19 patients sa 20 sa mga susunod na araw.
Itinuro ni Del Rosario ang pagbaba ng bilang ng pasyente sa nalalapit na pag-abot sa ‘herd immunity’ ng Metro Manila dahil sa patuloy na pagbabakuna ng pamahalaan.
Sa kabila nito, nanawagan si Del Rosario sa pamahalaan na itaas ang sahod ng mga medical workers sa bansa para hindi napipilitang umalis at upang may sapat na tauhan sa oras na muling tumama ang “surge” dahil sa pinangangambahang Omicron variant.
- Latest