Duterte pinasalamatan si Go sa panawagan na magkaisa ang mga Duterte supporters
MANILA, Philippines — Pinasalamatan ni Vice presidential aspirant Davao City Mayor Sara Duterte si Sen. Christopher “Bong” Go dahil sa pagtugon nito sa panawagan na magkaisa ang mga taga-suporta ni Pangulong Rodrigo Duterte.
Bagaman at hindi tahasang binanggit ang pangalan ni Go, sinabi ni Duterte-Carpio na nagpapasalamat siya at dininig nito ang kanyang pakiusap.
Sinabi ni Duterte-Carpio na matapos niyang ilunsad ang kanyang kandidatura para sa pagka-bise presidente ng bansa, nanawagan siya sa lahat nang sumusuporta sa administrasyong Duterte na magkaisa sa isang misyon na ipagpatuloy ang mabuting nasimulan ng kanyang ama.
Inulit pa ni Duterte-Carpio ang sinabi ni Go na iuurong niya ang kanyang kandidatura para sa pagkakaisa ng kanilang mga lider at mga tagasuporta.
Sinabi rin ni Duterte-Carpio na layunin nila ni presidential aspirant Ferdinand “Bongbong” Marcos Jr. Na magkaisa ang lahat para makamit ang pangarap para sa bansa.
- Latest