Booster shots sa adults umpisa na ngayon
MANILA, Philippines — Magsisimula ngayong araw ang pagbakuna ng pamahalaan ng coronavirus disease (COVID-19) booster shots sa lahat ng nasa hustong gulang na fully vaccinated na.
“Those who have completed their primary series of COVID-19 vaccines can be inoculated with the following brands regardless of which vaccines taken in the first two doses,” pahayag ng Department of Health (DOH) sa kanilang Facebook page.
Gagamitin ang Sinovac, AstraZeneca, Pfizer, Moderna, Sputnik, at Janssen sa pagbabakuna sa naturang grupo.
Sa kasalukuyan, tinuturukan lamang ng boosters ang nasa ilalim ng A1 category (frontline healthcare workers), A2 (senior citizens) at A3 (adults with comorbidities).
Sinimulan ang pagbabakuna ng booster shots sa bansa sa mga seniors at immunocompromised individuals noong Nobyembre 22 habang nabakunahan naman ng booster shots ang healthcare workers noong Nobyembre 17.
- Latest
