Google, Youtube ‘di tatanggap ng election ads sa 2022 polls
MANILA, Philippines — Hindi muna tatanggap ang internet giant Google kasama ang sikat na platform na YouTube ng mga political ads pagsapit ng ‘campaign period’ sa 2022 national elections.
Sa pahayag ng Google, epektibo ito sa mga election ads na binayaran sa Google Ads, Display, Video 360 at maging sa mga shopping platforms na pino-promote naman sa Google, YouTube, at iba pa nilang mga kapartner.
Epektibo ito mula Pebrero 8, 2022 hanggang Mayo 9, 2022 sa kasagsagan ng campaign at silence period.
Nakikipagtulungan rin umano ang Google sa Commission on Elections (Comelec) sa ilang inisyatibo sa halalan tulad ng voter registration na hino-host ng Google Cloud.
Sa kabila nito, may iba pang plataporma para makapagpa-ads ang mga kandidato gamit ang internet sa pamamagitan ng ibang platforms tulad ng Facebook, Twitter at iba pang internet browsers at applications.
- Latest