Sara, negatibo sa drug test
MANILA, Philippines — Negatibo din sa drug test si Davao City Mayor at Lakas –CMD vice presidential aspirant Sara Duterte-Carpio.
Ito ang kinumpirma kahapon sa isang statement ng Lakas-CMD at ng Hugpong ng Pagbabago (HNP) bilang tugon sa hamon na sumailalim sa drug test ang mga kandidato lalo na sa matataas na posisyon sa gobyerno kaugnay ng gaganaping May 9, 2022 national election.
“Today, I took a drug test that yielded negative of any illegal substances. This test, I took voluntarily upon the request of my Uniteam partner, Senator Bongbong Marcos (BBM), to support the call for transparency as aspiring public officials seeking the trust of our fellow Filipinos,” pahayag ni Duterte-Carpio.
Ayon kay Duterte-Carpio, ang Uniteam BBM-Sara ay naninindigan at nagkakaisa sa paglaban sa illegal na droga.
Binigyang diin ni Duterte-Carpio na importante ang giyera laban sa illegal na droga na isa sa mga pangunahing isyu na hamon sa bansa para makapagkaloob ng long term na solusyon para sa kaligtasan at seguridad ng mamamayan.
Anya, krusyal ang nalalapit na halalan at kailangang masalang mabuti ang kuwalipikasyon ng mga kandidatong dapat na mahalal sa pinakamataas na puwesto.
- Latest