Manager ng printing office sinita sa pag-inom ng alak habang nasa online Senate budget
MANILA, Philippines — Sinita ang manager ng APO Production Unit na umiinom ng alak habang dumadalo ng Senate budget deliberations online. Napansin ni Senator Sherwin Gatchalian ang maling inasal ni Dominic Tajon, manager na APO habang tinatalakay ang P1.838 bilyong badyet ng PCOO para sa 2022.
“I was also informed by our sergeant-at-arms that he saw Mr. Tajon drinking alcohol,” saad ni Gatchalian.
Ang APO ay pagmamay-ari ng gobyerno sa ilalim ng PCOO.
“May I remind the PCOO team to conduct proper virtual etiquette because we can see Mr. Dominic Tajon moving around, and we saw some inappropriate pictures of individuals not clothed properly,” dagdag pa ni Gatchalian.
Para kay Senate Minority Leader Franklin Drilon, ang inasal ni Tajon ay nakakawalangrespeto sa Senado.
Habang sinabi ni Senate Majority Leader Juan Miguel Zubiri na ire-require nila ang PCOO at iba pang ahensya na maging physically present.
- Latest