Number coding scheme planong ibalik ng MMDA
MANILA, Philippines — Dahil sa patuloy ang pagbigat ng daloy ng trapiko sa Metro Manila ay may plano ang pamunuan ng Metro Manila Development Authority (MMDA) na ibalik muli ang number coding scheme bago magtapos ang buwang ito o pagpasok ng Disyembre.
Ito ang sinabi ni MMDA Director Noemie Recio sa panayam ng ‘New Day’ ng CNN Philippines at nakabinbin pa naman ang plano at wala pang pinal na desisyon dahil hinihintay pa ang pag-apruba ng Metro Manila Council (MMC).
“The pre-pandemic volume is 405,000. We are expecting by this Christmas season, it will be nearing 405,000 or over 405,000 a day,”aniya.
Gayunman, may tatlong opsyon ma nakahain sa pagpapatupad ng number coding na tatalakayin at pag-aaralan pa sa susunod na pagpupulong ng 17 Metro Manila mayors.
Una rito ang mapagsisimula ng alas-7:00 ng umaga hanggang alas-9:00 ngumaga; ikalawa ay simula alas 5:00 ng hapon hanggang alas-7:00 ng gabi lamang ; at ikatlo ay ang buong araw simula alas-7:00 ng umaga hanggang alas- 8:00 ng gabi.
Aniya,araw-araw ay tumataas ang volume ng mga sasakyan at hindi na bumababa na halos kapareho na noong di pa nagkakaroon ng pandemic.
- Latest
