2 SAF trainees todas, 4 sugatan sa sagupaan

MANILA, Philippines — Namatay ang dalawang miyembro ng Special Action Force (SAF) habang 4 ang nasugatan nang makasagupa ang mga elemento ng New People’s Army (NPA) sa Gamay, Northern Samar.

Kinilala ang dalawang nasawing pulis na sina Pat. Franklin Marquez; at Pat. Jimmy Ca­raggayan, habang dinala sa pagamutan ang 4 na sugatang pulis pawang kabilang sa Special Action Force Commando Course (SAFCC).

Ayon kay PNP Chief Dionardo Carlos, alas-7:00 ng umaga nang makasagupa ng mga elemento ng SAF ang hindi batid na bilang ng mga rebelde sa Brgy. Lonoy, Gamay, Northern Samar na ikinasawi nina Marquez at Caraggayan at pagkakasugat ng 4 iba nang masabugan ng landmine.