Roque bigo sa UN bid
Iprinotesta ng 150 abogado
MANILA, Philippines — Nabigo na makakuha ng puwesto sa United Nation’s International Law Commission si presidential spokesperson Harry Roque.
Sa ginanap na eleksiyon para sa mga bagong miyembro ng ILC, nabigo si Roque na mahalal sa isinagawang ika-32 plenary meeting ng UN sa kanilang ika-76 session noong Nobyembre 12.
Matatandaan na kinumpirma ni Roque noong Hunyo na isinulong ng gobyerno ng Pilipinas ang kanyang nominasyon para maging bahagi ng UN body.
Ang kandidatura ni Roque ay tinutulan ng mahigit sa 150 abogadong Pilipino mula sa iba’t ibang organisasyon dahil hindi umano ito karapat-dapat dahil sa pagtatanggol sa umano’y hindi katanggap-tanggap na pananaw ni Pangulong Rodrigo Duterte tungkol sa karapatang pantao, hustisya at mabuting pamamahala.
Sa kanyang inilabas na pahayag, sinabi naman ni Roque na hindi naging madali ang kanyang kampanya para sa ILC pero hinarap niya ito bagaman at siya ay nabigo.
“My candidature at the ILC was a challenging campaign throughout but we met it head on. Unfortunately, we did not succeed,” ani Roque.
- Latest
