Nanay kinatay ng sariling anak
MANILA, Philippines — Kinatay na tila parang hayop ng isang anak ang kanyang nanay nang ito ay umuwi ng bahay, kamakalawa ng tanghali sa Barangay Maunlad, Gumaca, Quezon.
Kinilala ang nasawi na si Evelyn Encanto, 60, barangay health worker na nagtamo ng maraming saksak sa iba’t ibang bahagi ng katawan.
Habang naaresto at kinasuhan ng parricide ang anak nitong si Jowell, 34, may-asawa ng nabanggit ding lugar.
Ayon sa pulisya, alas-12:30 ng tanghali ay katatapos lamang mananghalian ng biktima nang dumating ang suspek na tila galit na galit at agad na pinagsasaksak ang ina sa dibdib.
Agad na naaresto ang suspek ng mga rumespondeng barangay officials at patuloy ang imbestigasyon ng pulisya sa motibo ng anak sa ginawa nitong pagkatay sa sariling ina.
- Latest
