Number coding ibabalik kung mas lalala ang daloy ng trapiko sa EDSA

MANILA, Philippines — Kung mas lalala ang bigat ng daloy ng trapiko sa EDSA ay posibleng ibalik na ang number coding scheme.

Ito ang sinabi kahapon ni Metropolitan Manila Deve­lopment Authority (MMDA) chairperson Benhur Abalos dahil na rin sa mga pagluluwag sa galaw ng mga tao.

Sa kada araw na naitatalang bumibiyaheng sasakyan sa EDSA ay umaabot sa 402,000, malapit sa dating nairekord na 405,000 na behikulong dumaraan sa EDSA noong bago mag-pandemic.

Umaasa si Abalos na hindi naman magbubunga ng panibagong pagtaas ng mga kaso ng COVID-19 sa pagdami ng mga taong nakalalabas ng bahay.