Barangay kagawad binaril sa ulo

MANILA, Philippines — Isang barangay kagawad ang nasawi nang ito ay barilin sa ulo ng hindi pa kilalang suspek, kamakalawa sa Barangay Rosario, Pasig City.

Kinilala ang biktimang si Nikki Cruz, na sinasabing nakaupo lamang umano habang nakikipag-usap sa ilang mga residente nang biglang lapitan ng suspek at barilin sa ulo.

Sinasabi ng kaibigan ng biktima na maaaring may kinalaman sa kampanya ni Cruz laban sa iligal na droga ang motibo sa krimen dahil nakatanggap umano ng mga banta sa kanyang buhay bago ang insidente.

Patuloy na iniimbestigahan ng pulisya ang naganap na pamamaslang.