Kabayan Noli umatras sa senatorial race
MANILA, Philippines — Umatras na sa pagtakbong senador ang veteran broadcaster na si Kabayan Noli de Castro.
Isa si Kabayan sa naghain ng kandidatura noong nakaraang linggo, at nanumpa sa harap ni Manila Mayor Isko Moreno sa pakikiisa sa Aksyon Demokratiko party.
“Isinumite ko ang aking kandidatura sa Comelec noong Biyernes. Ngunit nagkaroon ng pagbabago ang aking plano,” giit ni De Castro.
“Kasabay ng pagdarasal sa Poong Nazareno, napag-isip-isip kong mas makatutulong ako sa pagbibigay ng boses sa ating mga kababayan sa pamamagitan ng pamamahayag.
Nirerespeto naman ni Manila Mayor Isko Moreno Domagoso ang naging desisyon ni De Castro sa ginawa nitong pag-atras ng kanyang kandidatura bilang Senador sa darating na 2022 national election.
- Latest