Kusug Tausug party list humirit na muling mahalal
MANILA, Philippines — Naghain ng kanyang Certificate of Candidacy (COC) si Congresswoman Shernee Tan-Tambut ng Kusug Tausug Party List sa Sofitel-Philippine Plaza Comelec office sa Pasay City.
Nagsilbi bilang 1st nominee ng Kusug Tausug si Tan-Tambut mula pa nang mabuo ito ng taong 2016 upang mapabilis ang malawak na pag-unlad ng mga Tausug na pawang katutubo ng Sulu at Tawi-Tawi. Halaw ang pangalan ng party lists sa “lakas ng mga Tausug”.
Sinabi ni Cong. Tan-Tambut, anak ng kasalukuyang gobernador ng Sulu at beteranong pulitiko na si Abdusakur M. Tan, na ang kanyang malakas na pagnanasa na maipagpatuloy ang pagtulong sa mga maralitang katutubo na magkaroon ng pagkakataong mapabuti ang kanilang pamumuhay.
Nilinaw niya na bagama’t ang kanilang party list ay kilala ng mga taga-Sulu, ang pagkakaloob ng proteksiyon sa mga kabilang sa mga mahihirap sa pamilya sa lipunan, partikular ang mga Muslim, ang kanilang binibigyan ng malawak na pagtingin.
- Latest