Dalhin pa rin ang face shield - DILG
MANILA, Philippines — Magdala pa rin ng face shield para maging handa sa pagkakataong kinakailangang suotin ito.
Ito ang paghihikayat ng Department of the Interior and Local Government (DILG) sa publiko.
“Mas maganda magdala pa rin ng face shield, ’yun nga lang hindi na naman natin kailangang isuot ito most of the time kung tayo ay nasa outdoor setting,” ani DILG Undersecretary Jonathan Malaya.
“Kailangang magdala po tayo kasi hindi natin alam kung saan tayo pupunta. For example, pauwi na tayo tapos sabihin natin bibili tayo ng gamot so hindi tayo papapasukin ng guard kung wala tayong face shield dahil magiging closed at crowded area yung pupuntahan natin,” dagdag pa ni Malaya.
Sa ngayon, nagpupulong na ang sub-technical working group at Department of Health para gumawa at isapubliko ang isang madaling maintindihan na guidelines sa pagsusuot ng face shield, giit ni Malaya sa interbyu.
- Latest