Hawaan ng COVID-19 sa Metro Manila, bumaba sa 0.99

MANILA, Philippines — Mas bumaba pa ang bilang ng hawaan ng COVID-19 sa Metro Manila nang makapagtala ng reproduction number na  0.99.

Ayon sa ulat ng OCTA Reseach Group na patuloy ang pagbaba ng bagong kaso ng COVID-19 sa Metro Manila mula sa 1.03 noong nagdaang Miyerkules ay umabot na lamang ito kahapon sa 0.99 reproduction number.

Umaasa si Dr. Guido David na magtuluy-tuloy na ang pagbaba ng hawaan ng virus upang mapasimulan na ang recovery ng ekonomiya ng bansa.

Inaasahan naman ng pamahalaan na bago matapos ang taong ito ay matamo na ang herd immunity sa patuloy na ginagawang pagbabakuna sa iba’t ibang panig ng bansa.- Danilo Garcia