Ilang lugar sa Metro Manila lumubog sa baha dahil kay Jolina
MANILA, Philippines — Dahil sa walang tigil na pag-ulan dulot ng Severe Tropical Storm Jolina, kahapon ay lumubog sa baha ang ilang mga lugar sa Metro Manila
Sa alertong ipinalabas ng Metropolitan Manila Development Authority (MMDA), umabot na sa apat na metro ang taas ng tubig baha sa Roxas Boulevard – Quirino Service Road.
Habang nakararanas ng pagbaha ang Maynila, Navotas, at Malabon, dagdag pa ng MMDA.
Sa Maynila, gutter-deep na ang bahang naitatala sa along P. Burgos corner Finance Road at España Boulevard.
Sa Navotas naman ay ga-tuhod na rin ang baha sa Daang Hari corner M. Naval, Daang Hari corner Gov. Pascual, Tangos North INC, at E. Rodriguez corner Masipag.
Sa Malabon, umabot na sa 6 inches ang baha sa San Vicente Maysilo; 3 inches isan Don Basilio Pulong Duhat; 5 inches sa M.H. Del Pilar Tatawid; 5 inches sa M. Sioson Dampalit; 6 inches sa Barangay Tenejeros sa harap ng barangay hall; 4 inches sa Maria Clara Barangay Acasia; at 3 inches sa Sitio Sais Catmon.
Nasa normal level sa 14.6 meter naman ang tubig sa Marikina River ayon sa syudad. Itinataas ang unang alarma kapag naabot na ang 15 metro.
Sa nakalipas na 2pm tropical cyclone bulletin huling namataan si Jolina sa San Nicolas, Batangas.
May bitbit itong hangin na may lakas na 95 kilometers per hour (kph) malapit sa sentro, bugsong aabot sa 160 kph, at tinatahak ang direksyong pa-northwestward sa bilis na 15 kph.
- Latest
