12-17-anyos pwede nang turukan ng Moderna vaccine
MANILA, Philippines — Inaprubahan na ng gobyerno ang pagbabakuna sa mga 12 hanggang 17-anyos gamit ang Moderna vaccine.
Inianunsyo kahapon ng Food and Drugs Administration (FDA) na inamyendahan nila ang ibinigay na Emergency Use Authorization (EUA) sa Moderna COVID-19 vaccine kung saan isinasama na pwedeng mabakunahan ang 12-17 anyos.
“After a thorough evaluation by our vaccine experts and our regulatory experts in FDA, we approved this Friday the use under EUA of the Moderna vaccine for adolescents aged 12 to 17,” ani Director General Eric Domingo sa Laging Handa public hearing.
Una nang nakakuha ang US-made Moderna vaccine ng EUA sa FDA at muling naghain ng aplikasyon noong Agosto 19, 2021 sa inamyendahang EUA para payagang magamit ding iturok sa edad 12-17.
Ayon pa kay Domingo na posibleng sa last quarter ng taon ay masimulan na rin ang pagbabakuna sa mga kabataan, gayunman nagbabala ito sa epekto ng bakuna na nagkaroon na umano ng ilang kaso ng myocarditis (inflammation of the heart muscle) dahil sa Moderna vaccine.
Tiniyak pa ni Domingo na ang idineliber na Moderna doses sa Pilipinas ay hindi kabilang sa batches na iniimbestigahan sa Japan dahil sa posibleng kontaminasyon.
Hintayin na lamang ang desisyon ng Inter-Agency Task Force for the Management of Emerging Infectious Diseases (IATF-EID) at Department of Health (DOH) kung maaari nang mag-aplay ang mga kabataan para mabakunahan.
Mild lamang aniya, ang side effects ng Moderna sa adolescents kumpara sa adults na makakaranas lamang ng mild pains at lagnat.
Related video:
- Latest