Paglabag sa karapatang pantao ang pagbabawal na lumabas ng bahay ang di bakunado
MANILA, Philippines — Isa umanong paglabag sa karapatang pantao na magdudulot ng deskriminasyon ang pagbabawal ng pamahalaan na makalabas ng kanilang bahay ang mga hindi pa nagpapabakuna kontra COVID-19.
Ito ang sinabi ni Commission on Human Rights (CHR) Spokesperson Jacqueline Ann de Guia, dahil limitado pa ang suplay ng bakuna sa bansa at hindi pa ganap na nauunawaan ng ilang mamamayan ang kahalagahan ng vaccination program dahil sa mga maling impormasyon na nakukuha ng iba hinggil sa bakuna.
Sinabi ni De Guia, ang pahayag ng Pangulong Duterte na huwag palabasin ng bahay ang mga hindi pa bakunado ay may kaakibat na negatibong pananaw sa mga tao.
Mula nang simulan ang vaccination program sa bansa noong Marso ay may 7.8 milyong Pinoy pa lamang ang fully vaccinated at may 11.5 milyon ang nakatanggap ng unang dose ng bakuna.
- Latest
