Bilang ng mga pulis na nagpabakuna tumaas
MANILA, Philippines — Dahil sa naging babala sa mga pulis ang bagsik ng Delta variant ay tumaas ang bilang ng mga pulis na nagpabakuna.
Ito ang nabatid kay Administrative Support for Covid-19 Task Force (ASCOTF) at PNP Deputy Chief for Administration Lt. Gen. Joselito Vera Cruz.
Magugunita sa nakaraang datos ng ASCOTF, nasa 8.5% sa mga kapulisan ang ayaw magpabakuna pero ngayon, nasa 6.6% o nasa 14,455 na lamang ang ayaw.
Sinabi ni Vera Cruz, batay sa datos at survey na isinagawa ng PNP noong Hulyo 27, sumampa na sa 31,188 o nasa 14.28% police personnel ang fully vaccinated habang nasa 48,000 o 21.98% ang nabakunahan na ng first dose. Nasa 139,000 o 63.75% ang hindi pa nabakunahan.
Bagama’t wala pang kumpirmadong Delta variant sa hanay ng PNP, patuloy pa rin ang kanilang apela sa mga pulis na magpabakuna.
- Latest