Maglola todas sa sunog
MANILA, Philippines — Kapwa namatay ang bedridden na lola at kanyang 26-anyos na apo nang hindi makalabas sa nasusunog nilang stall sa loob ng isang public market sa Caloocan City.
Kinilala ang maglolang nasawi na sina Pacita Demagos, 95 at apo nitong si Edwin Mendoza.
Batay sa ulat, mag-isa lang si Demagos sa loob ng kanilang stall sa public market sa Camarin, Brgy. 175 nang sumiklab ang sunog, alas-12:00 ng hating gabi.
Halos matupok na ng apoy ang stall nang dumating ang apong si Edwin Mendoza at tinangka nitong iligtas ang kanyang lola.
Gayunman, dahil sa makapal na usok mula sa nasusunog na lenoleum flooring materials na ibinebenta nila sa kanilang stall ay hindi nagawang makalabas ni Mendoza matapos itong ma-suffocate.
Ang bangkay ng maglola ay nakuha kalaunan ng mga tauhan ng bumbero mula sa nasunog na stall.
Patuloy ang imbestigasyon ng BFP upang matukoy ang pinagmulan ng sunog.
- Latest