Pinas may ‘local transmission’ na ng Delta Variant — DOH
MANILA, Philippines — Posibleng mayroon nang ‘local transmission’ ng mas mapanganib na Delta variant ng COVID-19 sa Pilipinas.
Ito ang pagsang-ayon ng Department of Health (DOH) sa opinyon ng ekspertong si Dr. Rontgene Solante.
Ayon kay Health Undersecretary Maria Rosario Vergeire, bagama’t kalat-kalat ang mga natuklasang Delta variant cases, nagpatupad na agad sila ng reaksyon para sa ‘local transmission’.
Sa kabila ng mga pangamba na hindi makakayanan ng ‘health system’ ng Pilipinas ang panibagong surge kagaya ng nangyayari sa Indonesia, tiniyak ng DOH na ginagawa nila ang lahat ng paraan para maiwasan ito at inihahanda ang lahat ng pagamutan sa posibilidad na pagkalat ng variant.
“We understand the fear and anxiety of our kababayan regarding the Delta variant. Rest assured that the government is doing its best to prepare our healthcare system for a possible surge, regardless of community quarantine classification,” ayon pa sa opisyal.
Kailangan umanong magtulungan ang nasyunal at lokal na pamahalaan para mapalakas ang healthcare system sa pamamagitan ng pagtiyak na sapat ang COVID-19 beds, ICU at TTMF bed capacity, gamot at oxygen tanks at mga healthcare workers.
Kailangan din ng pagtulong ng publiko sa simpleng paraan ng pagpraktis sa ‘minimum public health standard’ at boluntaryong pagpapabakuna.
- Latest