Sen. De Lima muling tatakbo sa Senado sa 2022
MANILA, Philippines — Kinumpirma ni Senador Leila De Lima na itutuloy niya ang laban sa administrasyong Duterte sa pamamagitan ng muling pagtakbo sa 2022 Senatorial and national elections.
Sa pahayag, sinabi ni De Lima na pinalakas ng panggigipit ni Duterte ang kanyang kalooban upang muling ipaglaban ang kanyang adbokasiya hinggil sa inaaping-pulitikal.
Ayon kay De Lima, pinatingkad ng kanyang pagkakakulong na magsumikap at magtrabaho nang mahusay upang labanan ang kawalan ng katarungan at ipagtanggol ang karapatang pantao anuman ang mangayari, kaya siya muling tatakbo bilang senador.
Kahit na nakakulong ng halos limang taon ay nakapagsampa si De lima ng 500 panukalang batas at mga resolusyon, at nakakapag-akda at naisabatas ang Pantawid Pamilyang Pilipino Program (4Ps) Act, Magna Carta of the Poor Act, Community-Based Monitoring System Act, and the National Commission for Senior Citizens Act.
“Tatakbo akong muli. Hindi ako susuko. Tuloy ang laban,” lahad pa nito.
- Latest