NCR Plus bubble muling ipatupad - OCTA
Sa banta ng Delta variant…
MANILA, Philippines — Upang makatiyak na hindi kakalat ang Delta variant ay inirekomenda kahapon ng OCTA Research Group sa pamahalaan ang muling ipatupad ng NCR Plus Bubble.
Ayon kay OCTA fellow Prof. Guido David na kailangang maging ‘proactive’ ang pamahalaan sa pag-aksyon laban sa Delta variant at huwag nang hintayin na kumalat ito sa rehiyon.
Magugunita na nitong nakalipas na linggo, ay may 16 bagong kaso ang natuklasan ng Department of Health (DOH) kabilang ang dalawa na nasa Metro Manila.
“If we have a bubble and we are able to protect ourselves, the economy can still continue inside the NCR Plus,” paliwanag ni David.
Dahil sa mga pagbaba ng kaso, inilagay ang Metro Manila pati ang mga karatig na Cavite, Laguna, Rizal at Bulacan sa regular na ‘general community quarantine (GCQ)’ hanggang sa katapusan ng Hulyo.
- Latest