Cebu City drug ops: P30.6 milyong cocaine nasamsam, 2 drug trafficker todas
MANILA, Philippines — Patay ang dalawang umano’y drug trafficker matapos kumasa sa anti-drug operation ng pulisya at nasamsaman ng may P30.6 milyong halaga ng cocaine sa Cebu City noong Huwebes ng gabi.
Iniulat ni PNP-Drug Enforcement Group (PNP-DEG)-7 director P/Brig. Gen. Remus Medina ang dalawang napatay na suspect ay nakilala sa mga alyas na “Kerlou” at “Ryan” na nanlaban sa operating team sa Brgy. Mambaling, Cebu City dakong alas-8:30 ng gabi.
Nasamsam sa operasyon ang 4.5 kilo ng cocaine na umaabot sa nasabing halaga, isang cal. 45 pistol na puno ng mga bala, isang AR9 rifle at kulay pulang Toyota Vios na ginagamit ng mga suspect sa transaksyon ng droga.
Bunsod nito, inutos na ni PNP Chief P/Gen. Guillermo Eleazar na matukoy ang sindikatong na likod ng malaking supply ng droga na kinaaniban ng dalawang napatay na drug trafficker sa Cebu City.
- Latest
