Mahigit 1K katao nakinabang sa ‘bakuna nights’ sa Quezon City
MANILA, Philippines — Nasa 1,171 night shift workers at mga residenteng walang oras sa araw ang nabakunahan kamakalawa ng gabi sa QC hall grounds.
Ang programang ito ng QC government na tinawag na Bakuna Nights ay sinimulan nitong Miyerkules ng gabi at magtatagal hanggang Sabado ng gabi para sa mga night shift workers at mga manggagawa na walang oras magpabakuna sa araw.
Ayon kay QC Mayor Joy Belmonte, dahil maraming nagpapabakuna sa gabi, itutuloy na nila ito upang mas marami pang maturukan.
Anya, kung makikitang higit na mas marami ang magpapabakuna sa gabi ay palalawigin pa nila ito ng ilang araw.
- Latest