AFP duda sa pangako ng NPA na magbabayad ng danyos sa pamilya ng napatay sa Masbate blast
MANILA, Philippines — Pinagdududahan ng Armed Forces of the Philippines (AFP) ang sinseridad ng New People’s Army (NPA) hinggil sa pangako na magbayad ng danyos sa pamilya ng mga biktima ng kanilang pagpapasabog ng landmine sa Masbate City noong Hunyo 6 na nagresulta sa pagkamatay ni FEU Varsity player Kieth Absalon at pinsan na si Nolven Absalon, at pagkasugat ng isa pang kamag-anak na menor de edad.
Ayon kay AFP Spokesperson MGen. Edgard Arevalo, marami nang kaparehong krimen na ginawa ang NPA sa nakalipas na panahon, pero walang tinupad sa kanilang mga ipinangako sa mga naging biktima.
Anya, kung totoong babayaran ng NPA ang kanilang mga biktima sa pagkakataong ito, dapat bayaran din nila ang lahat ng mga naunang biktima ng kanilang karahasan.
Maraming pamilya ng kanilang mga biktima ang patuloy na nangungulila sa ginawang karahasan ng NPA.
- Latest