Arawang kaso ng COVID-19 sa Metro Manila, bumaba sa 30%
MANILA, Philippines — Inihayag kahapon ng OCTA Research Group na bumaba na sa 30 porsyento ang naitatala kada-araw na bagong kaso ng COVID-19 sa Metro Manila sa nakalipas na linggo.
Ayon sa OCTA Research, mula Mayo 9 hanggang Mayo 14, nasa average lamang na 1,644 ang mga bagong kaso kada araw.
Ang reproduction number o hawaan naman ng secondary infections mula sa solong kaso (single case) sa National Capital Region (NCR) ay bumagsak din sa 0.57 habang ang positivity rate ay bumaba sa 12 porsyento.
Sa ulat ng OCTA nitong Mayo 9, lumalabas na nagkaroon lamang ng 0.67 reproduction number at 14 percent positivity rate ang Metro Manila. Ang average daily attack rate (ADAR) naman sa kabuuan ng NCR ay bumaba rin sa 11.91 sa kada 100,000.
Ang pinakamababang ADAR ay nairekord sa Navotas, Malabon, Manila, at Caloocan na may mababa sa 10 kada 100,000, kaya’t nailagay na sa “moderate risk” ang mga nabanggit na lugar.
- Latest
