Arawang kaso ng COVID-19 sa Pinas bumaba ng 16% — OCTA
MANILA, Philippines — Iniulat ng OCTA Research Group na bumaba ang bilang ng arawang kaso ng COVID-19 sa Pilipinas mula Mayo 5 hanggang Mayo 11 ng 16% kumpara sa nagdaang linggo.
Ayon sa ulat ng naturang grupo, ang bansa ay nakapag-ulat ng 7-day average na 6,522 kaso na may reproduction number na 0.81.
Ang reproduction number na 1.00 o mas mataas dito ay nagpapakita ng patuloy na hawahan ng virus.
“The most current 7-day average of daily average of new COVID-19 cases in the Philippines is 6,522, which is 16% lower compared to the previous week,” ayon sa OCTA Research team.
Samantala, nakapag-ulat ang grupo ng pagtaas ng kaso ng virus sa Zamboanga ng 47% na may average na 151 bagong kaso ng COVID-19 sa isang araw.
Ang Puerto Princesa naman ay nakapagtala ng 35% one-week growth rate na may 60 kaso kada araw habang ang Batangas City at Cagayan de Oro City ay nakapagtala din ng pagtaas ng kaso sa nagdaang linggo.
- Latest
