287 Chinese ships namataan sa Kalayaan waters
MANILA, Philippines — Nasa 287 Chinese maritime militia (CMM) vessels ang namataan at nakakalat sa Kalayaan waters na sakop ng exclusive economic zone ng bansa.
Ito ang inihayag ni National Task Force for the West Philippine Sea (NTF WPS) chair at National Security Adviser Hermogenes Esperon, Jr.,batay na rin isinagawang maritime patrol noong Mayo 9.
Ayon kay Esperon, nakita ang mga CMM sa mga artificial island na gawa ng China at ang ilan ay mga island na sakop ng Pilipinas. Kabilang sa mga nakita ng Philippine maritime patrol ay two CMM vessels at two Houbei-class missile warships sa Panganiban (Mischief) Reef, isang CMM off Lawak (Nanshan) Island, 11 CMM vessels na nasa 29 nautical miles southwest ng Recto (Reed) Bank; at isang CMM vessel off Ayungin (Second Thomas) Shoal.
Sa Julian Felipe Reef naman aniya ay namataan ang 34 na Chinese militia vessels, dalang Vietnamese logistics supply ships at isang Vietnamese Coast Guard vessel sa Sin Cowe East Reef habang 77 Chinese militia vessels sa Chigua Reef.
Mayroon din aniya silang nakitang14 na Chinese maritime militia vessels sa Panata Island, isang Vietnamese fishing vessal sa Kota Island, 64 na Chinese militia vessels sa Burgon o Gaven Reef North, dalawang Vietnamese fisheries surveillance ships at isang Chinese rescue service ship sa paredes reef, tatlong plan warships at 55 Chinese militia vesses sa Kagitingan Reef.
Kaugnay nito, sinabi ni Esperon na patuloy na pinalalakas ng gobyerno ang presensiya nito sa West Philippine Sea, para igiit ang soberenya ng bansa at karapatan sa lugar.
- Latest
