Mag-ina nakuryente habang naglalaba

MANILA, Philippines — Kapwa nasawi ang mag-ina matapos na makuryente habang naglalaba gamit ang wa­shing machine sa Purok-7, Brgy. Labnig, Malinao, Albay kamakalawa ng umaga.

Sinubukan pang isugod ng mga kaanak sa Cope Memorial Hospital sa Tabaco City pero kapwa idineklarang dead-on-arrival ang mag-inang Asuncion Adalin Bonagua, 52-anyos at Ayen,13-anyos.

Sa ulat, alas-10:00 ng umaga habang naglalaba sa washing machine si Asuncion nang aksidenteng mahulog ang extension wire sa tubig dahilan para ito mangisay.

Nakita ito ng anak na si Ayen at sinubukang saklolohan ang ina, pero pati siya ay nakuryente rin.