DOH problemado pa rin sa hiring ng health workers
MANILA, Philippines — Problemado pa rin ang Department of Health (DOH) sa pagpuno sa mga nakalaang posisyon para sa mga kinakailangang healthcare workers (HCWs) may isang taon na makaraang mag-umpisa ang COVID-19 pandemic.
Sinabi ni Health Undersecretary Maria Rosario Vergeire na nasa 10,568 posisyon ang kanilang binuksan para sa mga HCWs na tutulong sa mga pagamutan at mga COVID-19 facilities.
Aprubado na umano ang pondo nito ng Department of Budget and Management (DBM). Ngunit sa kasalukuyan, nasa 8,570 HCWs pa lang ang kanilang naha-hire.
“Meron tayong gap and the challenge still would be the takers - yun pong mga gustong sumali at magtrabaho sa atin sa gobyerno,” she said.
Dagdag pang problema ng DOH ang patuloy na pagkakahawa ng mga HCWs ng COVID-19. Sa datos nitong Abril 26, nasa 17,377 HCWs na ang kabuuang bilang na nagpositibo sa COVID-19.
- Latest