COVID-19 sa Metro Manila, bumuti; bed occupancy rates mataas pa rin – OCTA

MANILA, Philippines — Batay kay OCTA fellow Guido David makaraan ang halos tatlong linggong paghihigpit ay gumanda na ang sitwasyon ng COVID-19 sa Metro Manila

Sa kabila nito, sinabing nananatiling mataas ang bed occupancy rate sa mga ospital.

“This is very good news…for the National Capital Region and it shows we have made significant gains over the past three weeks. What we hope to do is to sustain these gains,” ani Guido.

Sa datos, 14 sa 17 local governments sa rehiyon ang nagkaroon ng one-week negative growth rate sa mga bagong COVID case.

Ayon kay Health Undersecretary Maria Rosario Vergeire, ang positivity rate sa NCR ay bumaba sa 18.3% mula sa 20.4%.

“18.3% [is] just for NCR. Kung buong bansa, mas mababa po iyan,” aniya sa briefing.