Mas maraming COVID-19 beds para maibaba sa GCQ — DTI
MANILA, Philippines — Inihayag kahapon ng Department of Trade and Industry (DTI) na maaari na umanong maibaba sa “general community quarantine (GCQ)” sa NCR Plus umpisa ngayong Mayo kung madaragdagan ang COVID-19 beds sa mga pagamutan para sa mga malulubha ang kalagayan.
Ito ang sinabi ni DTI Secretary Ramon Lopez na umaasa siya na maibaba na ang GCQ umpisa ngayong Mayo ngunit kung ito ay mareresolba na ng pamahalaan ang mataas na “occupancy rates” ng mga Intensive Care Units (ICU) kasabay ng mga epektibong “contact tracing”.
“But if we need more time for that, assuming cases are still up, of course hindi pwedeng basta ka lang mag-GCQ on May 1. Yan yung mga binabalanse natin. Pag na-solve natin yun, possible May 1, if not, May 15,” ayon kay Lopez.
Una nang sinabi ng National Economic Development Authority (NEDA) na umabot na sa P83.3 bilyon kita ang nawala sa mga residente ng Metro Manila, Rizal, Bulacan, Cavite, at Laguna sa loob ng dalawang linggong pagpapatupad ng ECQ.
Ibinaba na ang klasipikasyon sa NCR Plus sa Modified General Community Quarantine (MECQ) na ipinapanukala ng ilang sektor na ipagpatuloy sa buong buwan ng Mayo para makakita ng mas magandang resulta sa pagpapababa ng bilang ng mga bagong kaso ng COVID-19.
- Latest
