‘Do not travel’ restriction vs Pinas inilabas ng US
MANILA, Philippines — “Do not travel to the Philippines due to COVID-19. Additionally, exercise increased caution due to crime, terrorism, civil unrest, and kidnapping,” base sa travel advisory ng US State Department.
Sa inilabas na travel advisory ng US State Department, sinabi nito na hindi dapat magtungo dito sa bansa ang mga Amerikano dahil sa COVID-19, bukod pa sa pagtaas ng krimen, terorismo, civil unrest at kidnapping.
Nakasaad pa sa advisory na naglabas ang Centers for Disease Control and Prevention (CDC) ng US ng Level 4 Travel Notice sa Pilipinas dahil sa napakataas na kaso ng coronavirus.
Bukod sa Pilipinas ay inabisuhan ng gobyerno ng US ang mga residente nito na iwasan ang 100 bansa na kasama sa listahan na batay sa Centers for Disease Control and Prevention.
Kung hindi naman umano maiwasan ang pagpunta sa Pilipinas ay dapat makumpleto ang bakuna at sumunod sa health protocols.
- Latest
