Pier gagawing modular COVID-19 isolation wards ang malalaking quarantine facility
MANILA, Philippines — Dahil sa nararanasang kakulangan ng hospital bed sa pagsirit ng kaso ng COVID-19 ay ipinag-utos ni Transportation Secretary Arthur Tugade na gawin nang isolation facility ang mga quarantine facilities sa Eva Macapagal Super Terminal sa Pier 15 sa Maynila at Port of Capinpin sa Orion, Bataan.
Sa pulong na isinagawa ng Task Group on Isolation and Quarantine na dinaluhan ni NTF Deputy Chief Implementer Vince Dizon at iba pang ahensya, napagkasunduan na ang Department of Health ang magbibigay ng manpower at equipment para rito.
Simula kahapon ay aarangkada na ang operasyon ng dalawang modular Covid-19 isolation wards na may kabuuang 335-bed capacity.
Sinabi ni Tugade, kahit hindi na saklaw ng kanilang mandato ang mahalaga ay makatutulong sa mamamayan ngayong panahon ng medical emergency.
- Latest