Duterte top 1, Velasco kulelat sa Publicus Asia survey
MANILA, Philippines — Nakopo ni Pangulong Rodrigo Duterte ang top 1 rating sa pinakabagong survey sa ginawa ng Publicus Asia.
Naitala ni Duterte ang 64.8% approval rating at 55.1% trust rating sa March 20-29, 2021 online survey na nilahukan ng 1,500 respondents mula sa iba’t ibang bahagi ng bansa.
Pumangalawa kay Duterte si Senate President Tito Sotto na nakakuha ng 40.9% approval rating, pangatlo si VP Robredo na may 29.1%, at sinundan ni Supreme Court Justice Diosdado Peralta na nakakuha ng 28.4% approval rating samantalang nasa huling puwesto si House Speaker Allan Lord Velasco na nakakuha ng 25.4% approval rating at 14.5% trust rating survey.
Ang naturang survey ay ginawa ng Publicus Asia sa gitna ng pandemyang hinaharap ng bansa at siyam na modules ang ginawa kabilang na dito ang estado ng ekonomiya ng bansa, Covid-19 vaccine prioritization, national issue kasama na ang tungkol sa trabaho at Covid-19 at scorecard ng mga senador, at scorecard ng mga pambansang opisyal at institusyon ng gobyerno.
Noong Dec.3 -9, 2020 survey na ginawa ng Publicus Asia, 69.8% ang nakuha ni Duterte sa approval rating, 49.9 % ang kay Sotto, 34.6 % ang nakuha ni Robredo, 30.7% ang kay Peralta at 29.7% naman ang nakuha ni Velasco.
Sa trust rating survey naman sa kaparehong panahon, si Duterte ay mayroong 62.3% rating, si Sotto ay may 30%, Robredo 23%, Peralta 18.5% samantalang 18.1% naman ang nakuha ni Velasco.
- Latest
