PNP COVID-19 case umakyat na sa 15,646; 40 patay

MANILA, Philippines — Pumalo na sa 15,646 ang kaso ng COVID-19 sa Philippine National Police (PNP) na kung saan 40 na ang nasawi makaraang isa pang pulis ang bawian ng buhay matapos na ma-infect ng virus nitong Biyernes ng gabi.

Ayon kay PNP Spokesman P/Brig. Gen. Ildebrandi Usana, ang huling nasawi ay may ranggong P/Staff Sgt, 40-anyos at nakatalaga sa Administrative Office ng Manila Police District (MPD).

Nasa 2,603 ang aktibong kaso na patuloy na mino­monitor ang kondisyon ng mga na-infect sa virus.Naitala naman sa 13,003 ang mga nakarekober kung saan  nasa 213 ang mga bagong  gumaling sa virus.