Defense chief sa mga Chinese ships: Lumayas na kayo diyan sa WPS!
MANILA, Philippines — Pinalalayas ni Defense Secretary Delfin Lorenzana ang patuloy na pananatili ng 44 pang Chinese vessels sa bahagi ng Julian Felipe Reef sa pinagtatalunang teritoryo sa West Philippine Sea (WPS).
Anya, dapat ipaliwanag ni Chinese Ambassador to the Philippines Huang Xilian, kung bakit nanatili pa rin at nagpapaikut-ikot sa bahagi ng Julian Felipe Reef ang nasabing mga barko, gayong maganda na ang panahon.
Una nang ipinaliwanag ni Xilian na sumisilong lamang ang mga Chinese vessels sa lugar sa dahilan masyadong maalon ang karagatan.
Magugunita na noong Marso 7 ng taong ito ay kinumpirma ng Armed Forces of the Philippines ang presensya ng nasa 120 Chinese vessels na umaaligid sa Julian Felipe Reef na nasasaklaw ng 200 milyang Exclusive Economic Zone (EEZ) ng bansa at kanilang nilinaw na ang mga naispatang illegal na istraktura sa maritime patrol sa WPS nitong nakalipas na Marso 30 ay hindi mga bagong tayo sa lugar.
- Latest
