COVID -19 reproduction rate sa NCR bumaba sa 1.86

MANILA, Philippines — Inihayag ng OCTA Research Group sa gitna nang ipinatutupad na paghihigpit sa ilang lugar ay bumaba na sa 1.86 ang reproduction number ng kaso ng COVID-19 sa Metro Manila.

Ayon kay Professor Guido David, nasa 2.05 ang reproduction number ng NCR noong nakaraang linggo bago pa ipatupad ang enhanced community quarantine (ECQ).

“Significant naman ‘yung decrease and in fact naka-two days pa lang tayo ng ECQ. We’re expecting na bababa ‘yung reproduction number by the end of the week, baka nasa 1.4 na lang siya or 1.3,” saad ni David.

Ang reproduction rate ay ang antas ng hawahan ng virus. Para masabi na pababa na ang mga bagong kaso at epektibong nalalabanan ang virus ay kailangang mas bumaba ito sa 1 (one).

“The fact na greater than 1 ‘yung reproduction number, it means tumataas pa rin ‘yung bilang ng kaso so kukulangin pa rin ‘yung one week para sa mga hospitals natin kasi the fact na tumataas ‘yung numbers, it means mas marami ang mangangailangan ng hospital care,” paliwanag pa ni David.

Sinabi naman ni Rev. Fr. Nicanor Austriaco, miyembro rin ng OCTA, na inaasahan na bababa na ang mga bagong kaso may lima o pitong araw matapos umpisahan ang ECQ