4 tulak tiklo sa P400K shabu
MANILA, Philippines — Apat na umano’y drug pusher ang naaresto ng mga otoridad sa isang magkakasunod na buy-bust operations sa Makati City at nasamsam ang nasa P400,000 halaga ng shabu.
Sa ulat, alas-6:00 ng gabi nang madakip sa may JP Rizal Extension sa Brgy. West Rembo ang mga suspek na sina Erwin Aceremo, alyas Longhair, 48 at si Mark Anthony Juan, 41, obrero, kapwa nakatira sa naturang lugar.
Nasabat sa mga suspek ang anim na plastic sachet na naglalaman ng tinatayang 30 gramo ng shabu na nagkakahalaga ng P204,000, isang cellular phone na nakatala ang transaksyon ang nakumpiska habang nabawi rin ang P1,000 bill na ginamit na marked money sa operasyon.
Alas-2:40 ng hapon naman nang madakip sa may Mabini Street, Brgy. Poblacion ang mga suspek na sina Liberty Flores, alyas Ety, 46, call center agent; at Michael Rafa, 44, kapwa nakatira sa naturang lugar na kung saan ay nakumpiska sa kanila ang isang plastic sachet na naglalaman ng nasa 26 na gramo ng shabu na may halagang P176,800; isang cellular phone, P500 bill marked money at mga drug paraphernalias.
- Latest